(Download) CBSE Class-12 Sample Paper And Marking Scheme 2019-20 : Mizo

Disclaimer: This website is NOT associated with CBSE, for official website of CBSE visit - www.cbse.gov.in

(Download) CBSE Class-12 Sample Paper And Marking Scheme 2019-20 : Mizo

Sample Question paper
Mizo-(198) 

SECTION - A

1. Suffix leh Prefix awmzia sawiin entirna pahnih ve ve pe bawk ang che. 
2. T.H Lewina thuziak atangin, hnamdang tawng kan lak pathum sawi rawh ?
3. Kum 1870 –1920 inkara hnamdang tawng kan lak pahnih tarlang rawh. 
4. Kohhranin kan hman uar tak saptawng atanga kan lak thumal pahnih ziak rawh. 
5. Double Adverb hi hrilhfiah la, entirna pahnih pe bawk ang che. 
6. Adjectival adverb ti fiah turin entirna pahnih siam rawh. 

SECTION – B

7. Human rights history-ah khawvel ram tinah indona vanga fahrah naupang leh piansual phahte chungchang ngaihtuah a ni fo va. Khawvel pum huap inkhawmpuiah hian indona-in Human Rights nghawng a neih dante tarlan a ni bawk thin a. Human Rights kalphungah chuan heng chauh hian naupang mamawh a phuhruk zo hle a UNICEF pawhin ram hnufual leh chenbeha cheng naupang tan chauh nil ova, indona leh indonain a nghawng, tualchhung buaina avanga in leh lo nei lo naupang leh indona vanga fahrah chhiar sen lohte tana zau zawka hma a lak chu tihmakmawh a ni. A chunga thu ziak khi ngun takin chhiar la, a inhmeh tur thupui vuah ang che. 

8. Hmanlai kan pi leh pute kha mawl viau anga an lan laiin mizo hnam nunphung kal zel tur atan, mi huaisen, mi tlawmnai leh entawn tlak te, inzirtirna mumal tak khaw tinah Zawlbuk an lo nei vek a. He lamah hian an lo sang viau zawk a ni. Khaw hrang hrangah inbawk hrang fir ferin , a chang chuan lo indo ve bawk thin mahse, mizo hnam ang khan an nihna ‘identity’ leh culture lamah chuan an lo chiang viau hman a ni. Hei hi a dik tih a lanna chu, vai len hma leh hnuah pawh pawnlam leido leh hmelma beihna kawngah chuan, inpun leh tan ho pawh an lo ching hman viau tawh a ni. A chunga thu tarlan atang hian hmanlai mizote khawsak phung thenkhat tarlang la, tunlai mizote nunphung nen khaikhin bawk ang che. 

9. Nula leh tlangvalte chuan Siamtu siam dan phung an hloh bik hauh lova, hmel duhzawng an nei a, an khua a harin an lung a leng thei thova. Zai duh hnamte zingah chuan lengzem zai sak a rem lova, mi ang pangngai nih an tum chuan an rilrua hla awm apiang sak a thiang hek lo. Pathian fakna hla chauh zalen takin an sa thiang a, chu ngawt chuan an rilru a titlai zo si lo. Khawvel lam mi deuh thenkhatin sap hla lehlin,, lengzem hla thar an ching chhuak a; a hnu deuhah anmahniin an phuah zui bawk a. chung mi zalen tlem tete zai zawm thei chu tlemte bawk an ni. Thuziak tarlan atang hian Kristianna lo luh hnu lawka mizo thalaite nun chhuichhuak rawh. 

10. Khawvela mi ropui leh hlawhtling tak takte chanchin han chhiar hian vanneihna pian chhuahpui a, thlahtute rohlu rochun a, nun nuam tak leh awlsam taka ropuina kailawna tlan chho ta zawt zawt sawi tur an awm mang hauh lo. Vanduaina leh harsatna namen lo paltlang a, hlawhtlinna chu a suala sual chhuaktu an ni chawk. Retheihna hi hmelma tihbaiawm tak angin kan thlir chawk, mahse kan retheihna leh harsatna te hi Pathian hnena lawmthu kan sawina tur a ni zawk. Zirlaite tana hlawhtlinna rahbi tha ber nia kan hriat thin chu ‘ Retheihna’ hi a ni. Retheihna hian rualelna min neihtir a, rual elna chuan tum ruhna min neihtir a, tumruhna chuan rim taka thawk thei turin min chher a, thawhrimna chuan vanneihna kawngka a su hawng nge nge thin a ni. Thuziak tarlan hi ngaihnawm takin han sawi zau teh.

download

 Click Here To Download Full Sample Paper

Click Here To Download  Full Marking Scheme

CBSE (Class XII) Previous Year Papers Printed Books

<<Go Back To Main Page

Courtesy: CBSE